ශ්‍රී ලංකාවට ජාත්‍යන්තර මුල්‍ය අරමුදලේ මීළඟ ණය වාරිකය ලැබීම මාස දෙක හමාරක පමණ ප්‍රමාදයක් සිදුවනු ඇති බව කම්කරු අමාත්‍ය සහ ආර්ථික සංවර්ධන නියෝජ්‍ය ඇමති මහාචාර්ය අනිල් ජයන්ත මහතා සඳහන් කරයි.
එ් අනුව ඇමෙරිකානු ඩොලර් මිලියන 330 ක් පමණ වන මීළඟ වාරිකය එළැඹෙන අප්‍රේල් මාසයේදී පමණ ලැබෙනු ඇති බව ද හෙතෙම කියා සිටයි.
කාර්ය මණ්ඩල මට්ටමේ එකඟතාවයක් ලැබී තිබුණද 2025 වසර සඳහා අයවැය යෝජනාවලිය සම්බන්ධයෙන්ද ජාත්‍යන්තර මුල්‍ය අරමුදලේ විධායක මණ්ඩලයේ අවධානය යොමු කර ඇති බවත් ඒ අනුව අයවැය පාර්ලිමේන්තුවට ඉදිරිපත් කිරීමෙන් පසු සිව්වන වාරිකය මුදා හැරෙණු ඇති බවත් හෙතෙම පැවසීය.
