කුඹුරු ඉඩම් දේශීය සහ විදේශීය ආයෝජකයින්ට විකුණා දැමීමේ සියුම් කුමන්ත්‍රණකාරී සැලැස්මක් ක්‍රියාත්මක වෙමින් තිබෙන බව ජාතික ගොවිජන ඒකමුතුවේ සභාපති අනුරාධ තෙන්නකෝන් මහතා පවසයි.
අධි තාක්ෂණික ක්‍රම යොදා ගනිමින් වී වගා කිරීමට ජාත්‍යන්තර මූල්‍ය අරමුදල ඉදිරිපත් කර තිබෙන යෝජනා අනුව ආණ්ඩුව කටයුතු කරන බවට සමස්ත ගොවීන්ට මේ වන විටත් සැකයක් පැන නැගී තිබෙන බව ද සභාපතිවරයා කියයි.
කුණු කොල්ලෙට රටේ ස්වාභාවික සම්පත් පසුගිය ආණ්ඩු ජාත්‍යන්තරයට විකුණා දැමූ බව පැවැසූ හෙතෙම කුඹුරු ඉඩම් මහා පරිමාණ කෘෂි ව්‍යවසායකයින්ට විකුණා කෘෂි කර්මාන්තය සහමුලින්ම අතුගා දැමීමේ කුමන්ත්‍රණයක් වත්මන් ආණ්ඩුව කාලයේ දී ක්‍රියාත්මක කර ඇතැයි සමස්ත ගොවීන්ට සැකයක් තිබෙන බව ද පැවැසීය.
