ජාතික ජන බලවේගයේ කළුතර දිස්ත්‍රික් පාර්ලිමේන්තු මන්ත්රීනී නිලන්ති කොට්ටහච්චි මහත්මියට සමාජ ජාල ඔස්සේ අපහාස කළ බවට චෝදනා ලැබූ පුද්ගලයෙකු අත්අඩංගුවට ගෙන තිබේ.
අත්අඩංගුවට ගෙන ඇත්තේ කළුතර මිල්ලනිය ප්‍රාදේශීය සභාවේ පොදුජන පෙරමුණේ හිටපු මන්ත්‍රී රවින්ද්‍ර රම්මුණි මහතා වේ.
මන්ත්රීනී නිලන්ති කොට්ටහච්චි මහත්මියගේ පැමිණිල්ලකට අනුව, පොලිසිය විසින් ඔහුගේ නිවසට ගොස් මෙම අත්අඩංගුවට ගැනීම සිදුකර ඇත. මෙම පැමිණිල්ල, සමාජ ජාල ඔස්සේ අතිශයින් අපහාසකාරී ආකාරයකින් කටයුතු කර ඇති බව ඇය විසින් අපරාධ පරීක්ෂණ දෙපාර්තමේන්තුවට ඉදිරිපත් කළේය.
