සහල් ආනයනය කිරීමට රජය තීරණය කිරීමත් සමඟ හල් මහා පරිමාණ සහල් නිෂ්පාදකයන් තිගැස්මකට ලක්ව ඇති බව කෘෂිකර්ම නියෝජ්ය ඇමති නාමල් කරුණරත්න මහතා සඳහන් කරයි.
ආනයනික සහල් වෙළඳපොළට නිකුත් වීමත් සමග දැනට වෙළඳපොළේ ඇති සහල් විකෘති මිල පහල බැසීම ආරම්භ වනු ඇති බවද හෙතෙම පවසයි.
ආනයනික සහල් තොග ලබන 20 වැනි දාට පෙර මෙරටට ලැබීමට නියමිත බවත් උත්සව සමයේ සහල් හිඟයක් ඇති වීමට ඉඩ නොදෙන ඇමතිවරයා කියා සිටී.
මේ වනවිට රට තුළ ඇති සහල් හිඟයට ක්රමානුකූලව විසඳුම් ලැබෙමින් ඇති බවත් සහනදායි මිලට සතොස හරහා සහල් ලබා ගැනීමට අවස්ථාව පවතින බවත් පැවසූ ඔහු ආනයනික සහල් තොග ලැබීමත් සමඟ වෙළඳ පොළේ පවතින සහල් මිලද අඩුවනු ඇතිබවත් පැවසුවේය.
මහ කන්නයේ වී අස්වනු නෙලීම ලබන මාසයේ අග සිදු කිරීමට නියමිත බවත් හෙතෙම තව දුරටත් පවසයි.
