වත්මන් ජනාධිපතිවරයා මැතිවරණ වේදිකාවල විදුලි බිල තෙල් මිල ගැන සුරංගනා කතා කියූ බවත් තෙල් මිල වැඩි වන්නේ කොමිස් සහ අනවශ්‍ය බදු නිසා බවට පැවසූ බවත් විපක්ෂ නායක සජිත් ප්‍රේමදාස මහතා පවසනවා
ඔහු මේ බව කියා සිටියේ ඊයේ (09) අරණායක පැවැති ජන හමුවක් අමතමින්
ඒ අනුව බලයට පැමිණි පසු විශාල ප්‍රමාණයකින් තෙල් මිල අඩු කරන්න හැකි යැයි කිව්වත් තවමත් අඩු නොවූ බවත් විදුලි බිල ද තුනෙන් එකකින් අඩු කරනවා කිව්වත් තවමත් වුනේ නැති බවත් ඔහු එහිදී කියා සිටියා
එමෙන්ම තෙල් මිල සූත්‍රය අයින් කර ජනතාවාදී සූත්‍රයක් ගෙන එනවා කිව්වත් තවමත් එවැනි දෙයක්වත් ගෙනවිත් නොමැති බවයි විපක්ෂ නායකවරයා එහිදී වැඩිදුරටත් පැවසුවේ
සමගි ජන බලවේගය හැමෝම එකතු කර ගත් ගමනක් යන බවත් වෙනත් පක්ෂ මෙන් කොළඹ 7 තරු හෝටල් ඇතුලේ නායකයෝ ඇති කර ගන්නා ගිවිසුම් නොව මහපොලොවේ ජීවත් වන මිනිසුන් සමග ඇති කර ගන්නා ගිවිසුම් බවත් ඔහු කියා සිටියා
